{"id":3482,"date":"2018-08-25T10:50:25","date_gmt":"2018-08-25T10:50:25","guid":{"rendered":"https:\/\/downlugo.org\/entrevista-sobre-educacion-a-sergio-villamarin-e-mila-melio\/"},"modified":"2018-08-25T10:50:25","modified_gmt":"2018-08-25T10:50:25","slug":"entrevista-sobre-educacion-a-sergio-villamarin-e-mila-melio","status":"publish","type":"post","link":"https:\/\/downlugo.org\/gl\/entrevista-sobre-educacion-a-sergio-villamarin-e-mila-melio\/","title":{"rendered":"Entrevista sobre Educaci\u00f3n a Sergio Villamar\u00edn e Mila Melio"},"content":{"rendered":"
\n
\n
\n
\n

SERGIO VILLAMAR\u00cdN, USUARIO DE DOWN LUGO<\/strong><\/p>\n

1. Que \u00e9 o que m\u00e1is che gustaba da escola?<\/strong><\/p>\n

Os compa\u00f1eiros e compa\u00f1eiras e \u00e1 hora de tomar o bocadillo.<\/p>\n

2. E o que menos?<\/strong><\/p>\n

O ingl\u00e9s<\/p>\n

3. Fac\u00edas as mesmas tarefas que o resto dos teus compa\u00f1eiros e compa\u00f1eiras?<\/strong><\/p>\n

Algunhas si e outras non<\/p>\n

4. Os teus compa\u00f1eiros e compa\u00f1eiras axud\u00e1banche cando ti\u00f1as algunha d\u00fabida?<\/strong><\/p>\n

Si, moito.<\/p>\n

5. Que tal o pasabas no recreo? A que xogabas?<\/strong><\/p>\n

Ben, a f\u00fatbol e a baloncesto.<\/p>\n

\u00a0<\/strong><\/p>\n

MILA MELIO, NAI DE SERGIO<\/strong><\/p>\n

1. Cando e como chegastes a formar parte do movemento Down?<\/strong><\/p>\n

Dende o nacemento de Sergio,\u00a0 e xunto con outras familias con fillos e fillas coa s\u00edndrome de Down, in\u00edciase o xermolo que m\u00e1is tarde ser\u00eda a Asociaci\u00f3n s\u00edndrome de Down de Lugo.<\/p>\n

2. Como foi o proceso de escolarizaci\u00f3n de Sergio?<\/strong><\/p>\n

Sergio iniciou a s\u00faa escolarizaci\u00f3n na etapa de infantil nunha escola de infantil, con s\u00f3 tres unidades, onde xa estivera escolarizado seu irm\u00e1n, e onde toda a comunidade educativa se co\u00f1ec\u00eda. Levouse a cabo con toda naturalidade e coa predisposici\u00f3n e a\u00a0 intenci\u00f3n por parte das mestras de que Sergio fose un m\u00e1is.<\/p>\n

3. Por que decidistes escolarizalo nun centro educativo ordinario?<\/strong><\/p>\n

Porque criamos que para ser membro activo dunha sociedade era necesario acudir a un centro onde acudisen nenos e nenas\u00a0 que \u00a0reflectisen a diversidade da mesma e puidese relacionarse con todos e todas, proporcion\u00e1ndolle as\u00ed experiencias\u00a0 ricas e variadas.<\/p>\n

4. Cal foi o papel de Down Lugo neste cami\u00f1o?<\/strong><\/p>\n

Foi de acompa\u00f1amento. Por unha banda, era quen canalizaba a intenci\u00f3n e o desexo das familias de que os seus fillos se escolarizaran nunha escola ordinaria, e nos daba forzas para reafirmarnos na nosa decisi\u00f3n. Por outra banda, colaboraba e \u00e1s veces supl\u00eda as carencias\u00a0 que ti\u00f1a a escola cubrindo necesidades de apoio, tanto a nivel acad\u00e9mico como social.<\/p>\n

5. Visto con perspectiva, que foi o mellor de optar pola educaci\u00f3n inclusiva?<\/strong><\/p>\n

Dende logo o mellor foi que Sergio forma parte da sociedade na que vive\u00a0 e aproveita todos os recursos ordinarios que esta lle ofrece. A escola inclusiva permitiulle ser un m\u00e1is e vivir experiencias moi variadas nun entorno diverso, claves para conformar a s\u00faa personalidade.<\/p>\n

6. E o peor?<\/strong><\/p>\n

Que as veces se descoidou un pouco a parte acad\u00e9mica.<\/p>\n

7. Se tiverades que tomar hoxe de novo a decisi\u00f3n, volveriades a optar pola educaci\u00f3n ordinaria?<\/strong><\/p>\n

Sen d\u00fabida. Ser\u00eda inxusto para el non darlle as oportunidades que te\u00f1en os demais.<\/p>\n

8. Por que cres que \u00e9 importante a inclusi\u00f3n no eido educativo para as persoas coa s\u00edndrome de Down ou outra discapacidade intelectual?<\/strong><\/p>\n

A escola ten unha funci\u00f3n socializadora, ademais \u00a0de transmisora de co\u00f1ecementos, que \u00e9 fundamental en todos os nenos e no caso dos nenos e nenas coa s\u00edndrome de Down a\u00ednda m\u00e1is. A escola proporci\u00f3nalle modelos, pautas de comportamento, normas, valores. Tam\u00e9n lle da a oportunidade de interaccionar\u00a0 con distintos nenos e nenas e vivir situaci\u00f3ns que son un \u201cadestramento\u201d para a vida adulta.<\/p>\n

9. Consideras que os profesionais da educaci\u00f3n te\u00f1en un co\u00f1ecemento real sobre as necesidades das persoas con discapacidade nos centros?<\/strong><\/p>\n

En xeral non, pero na maior\u00eda dos casos te\u00f1en boa actitude e ganas de aprender.<\/p>\n

10. Consideras suficientes os medios que a administraci\u00f3n p\u00fablica destina \u00e1 inclusi\u00f3n nas aulas das persoas con discapacidade?<\/strong><\/p>\n

Non,\u00a0 faltan medios humanos e tam\u00e9n materiais.<\/p>\n

11. Que lle dir\u00edas a un pai ou unha nai que te\u00f1a medo de escolarizar ao seu fillo ou filla nun centro ordinario?<\/strong><\/p>\n

Ao principio xorden moitas d\u00fabidas e medos; o medo que ten calquera pai ou nai que leva ao seu fillo ou filla \u00e1 escola por primeira vez, pero incrementado. Medo a que chore, \u00a0a que lle peguen, a que non o entendan, a que estea s\u00f3, a que non te\u00f1a amigos e amigas,\u2026 Pero eses medos van desaparecendo cando vemos que os compa\u00f1eiros e compa\u00f1eiras dos nosos fillos e fillas te\u00f1en a mesma idade, e que est\u00e1n aprendendo a relacionarase ao igual que eles, polo tanto est\u00e1n en igualdade de condici\u00f3ns. \u00a0M\u00e1is tarde aparecer\u00e1n outros medos, que no fondo \u00e9 sempre o mesmo: que o noso fillo ou filla non sexa feliz. Pero merece a pena enfrontarse a todos eles, porque ver que os nosos fillos son donos da s\u00faa vida \u00e9 m\u00e1is que suficiente.<\/p>\n

12. Down Galicia cumpre 20 anos\u2026 Cales consideras que son os puntos fortes da Federaci\u00f3n?<\/strong><\/p>\n

A Federaci\u00f3n xoga un papel fundamental en dous aspectos: por unha parte, permite coordinar e por en marcha en toda Galicia programas com\u00fans de apoio \u00e1s persoas coa s\u00edndrome de Down e tam\u00e9n con outras discapacidades a trav\u00e9s dun modelo inclusivo. Por outra parte, proxecta unha imaxe positiva das persoas con s\u00edndrome de Down, centrada na persoa e nas s\u00faas capacidades.<\/p>\n

13. Cales consideras que son as principais melloras nestes \u00faltimos vinte anos no eido da discapacidade intelectual?<\/strong><\/p>\n

A visibilidade, en todos os eidos: no educativo, acudindo a escola ordinaria, no laboral, incorpor\u00e1ndose ao mundo laboral, no lecer,\u2026<\/p>\n

14. E cales cres que son as cuesti\u00f3ns que seguen sen solucionarse?<\/strong><\/p>\n

Falta que se xeneralice a incorporaci\u00f3n ao mundo laboral. Faltan programas educativos que contin\u00faen ou complementen a ESO, adaptando competencias, que sirvan de ponte entre a educaci\u00f3n obrigatoria e a vida laboral. Falta o acceso \u00e1 vida independente, e normalizar as relaci\u00f3ns de parella abordando a parte afectiva, sexual\u2026 Falta pensar na vellez e buscar alternativas.<\/p>\n

15. Como che gustar\u00eda que fose a sociedade dentro de vinte anos en relaci\u00f3n \u00e1 s\u00edndrome de Down e a discapacidade intelectual?<\/strong><\/p>\n

Gustar\u00edame que a s\u00edndrome de Down non lle supuxera un sufrimento a ningu\u00e9n, que aqueles nenos e nenas con esta s\u00edndrome que naceran fose porque seus pais decidiran que fose as\u00ed. E que a s\u00edndrome de Down fose unha caracter\u00edstica m\u00e1is\u00a0 da s\u00faa persoa que non condicionase\u00a0 a s\u00faa vida,\u00a0 igual que ser moreno, ou baixo, ou ter os ollos azuis.<\/p>\n

Pero o que penso que vai pasar \u00e9 que dentro de vinte anos meu fillo ter\u00e1 corenta e tantos, e a poboaci\u00f3n coa s\u00edndrome de Down ser\u00e1 maioritariamente anci\u00e1n. E gustar\u00edame ter a tranquilidade de ver a Sergio acompa\u00f1ado, e gozando de todo o que poida, e ver que as \u00a0s\u00faas necesidades son atendidas.<\/p>\n<\/div>\n<\/div>\n<\/div>\n<\/div>\n