{"id":5160,"date":"2021-03-22T08:47:15","date_gmt":"2021-03-22T08:47:15","guid":{"rendered":"https:\/\/downlugo.org\/?p=5160"},"modified":"2021-03-22T08:56:15","modified_gmt":"2021-03-22T08:56:15","slug":"as-persoas-coa-sindrome-de-down-reclaman-os-seus-dereitos-e-piden-respecto-para-as-suas-decisions-no-dia-mundial-da-sindrome-de-down","status":"publish","type":"post","link":"https:\/\/downlugo.org\/gl\/as-persoas-coa-sindrome-de-down-reclaman-os-seus-dereitos-e-piden-respecto-para-as-suas-decisions-no-dia-mundial-da-sindrome-de-down\/","title":{"rendered":"As persoas coa s\u00edndrome de Down reclaman os seus dereitos e piden respecto para as s\u00faas decisi\u00f3ns no D\u00eda Mundial da S\u00edndrome de Down"},"content":{"rendered":"

Un acto virtual foi a opci\u00f3n escollida polo Movemento Down en Galicia para conmemorar un novo\u00a0D\u00eda Mundial da S\u00edndrome de Down<\/strong>\u00a0en tempos de pandemia. Nun evento que mesturou unha parte l\u00fadica e outra institucional, as persoas con trisom\u00eda 21 foron, unha vez m\u00e1is, as verdadeiras protagonistas, reclamando novamente os seus dereitos e defendendo a riqueza dunha sociedade diversa e plural.<\/p>\n

\u201cMerecemos as mesmas oportunidades que o resto da sociedade<\/strong>\u00a0e que nos deixen desenvolver as nosas capacidades.\u00a0Queremos vivir nunha sociedade que respecte a diversidade<\/strong>\u00a0e que incl\u00faa a todas e todos, sen excepci\u00f3n\u201d, demandaron.<\/p>\n

Para conducir este acto conmemorativo, a Federaci\u00f3n Down Galicia tivo a sorte de poder contar con\u00a0Irene Rodr\u00edguez-Toubes<\/strong>\u00a0e\u00a0David Aldrey<\/strong>, dous mozos membros do Movemento Down que foron dando paso \u00e1s distintas actuaci\u00f3ns e persoas convidadas neste evento tan at\u00edpico.<\/p>\n

A benvida correu a cargo de\u00a0Delmiro Prieto Gonz\u00e1lez<\/strong>, presidente de Down Galicia, que comezou a s\u00faa intervenci\u00f3n aclarando que \u201co D\u00eda Mundial da S\u00edndrome de Down \u00e9 un d\u00eda de celebraci\u00f3n, pero tam\u00e9n de reivindicaci\u00f3n daqueles dereitos que, por un motivo ou outro, se ven vulnerados\u201d. Nesta ocasi\u00f3n, o presidente de Down Galicia quixo po\u00f1er o foco do seu discurso na educaci\u00f3n, da que dixo que \u201cou \u00e9 inclusiva ou non \u00e9 educaci\u00f3n\u201d e destacou que\u00a0\u201cunha sociedade que mira ao futuro non pode permitirse vivir m\u00e1is tempo nunha situaci\u00f3n de segregaci\u00f3n ou de exclusi\u00f3n educativa\u201d<\/strong>. Prieto rematou a s\u00faa participaci\u00f3n no evento dando as grazas a todas as persoas asistentes e, sobre todo, \u00e1s persoas coa s\u00edndrome de Down, por ser quen empurra e traballa para cambiar o seu destino.<\/p>\n

O acto tam\u00e9n contou coa intervenci\u00f3n do presidente da Xunta de Galicia,\u00a0Alberto N\u00fa\u00f1ez Feij\u00f3o<\/strong>, quen destacou o esforzo diario amosado polas persoas coa s\u00edndrome de Down e as s\u00faas familias, de quen dixo que son \u201cun exemplo a seguir para toda Galicia nun momento onde necesitamos referentes de superaci\u00f3n\u201d e salientou que\u00a0\u201co que realmente limita non son as supostas discapacidades, sen\u00f3n os prexu\u00edzos\u201d<\/strong>. Feij\u00f3o remarcou que \u201cnin sequera a pandemia logrou frear un proceso imparable: que as persoas coa s\u00edndrome de Down conquisten cada vez m\u00e1is espazos da nosa sociedade\u201d e que \u201ctodos estes avances chegan para quedarse e non te\u00f1en volta atr\u00e1s\u201d.<\/p>\n

Ademais das intervenci\u00f3ns institucionais, o p\u00fablico do evento puido desfrutar coas estupendas actuaci\u00f3ns de\u00a0Tanxugueiras\u00a0<\/strong>e da\u00a0Orquesta Cinema<\/strong>, que non quixeron perder a oportunidade de conmemorar o D\u00eda Mundial da S\u00edndrome de Down interpretando senllos temas reivindicativos. A trav\u00e9s da s\u00faa canci\u00f3n\u00a0\u201cDesposorio\u201d<\/strong>, Tanxugueiras quixo destacar o importante papel da muller na sociedade actual, mentres que a Orquesta Cinema interpretou o tema\u00a0\u201cQuero ser coma ti\u201d<\/strong>, composto para a ocasi\u00f3n polo solista da banda, C\u00e9sar Romero, e que visibiliza o orgullo das familias das persoas con discapacidade e louba a importancia da diversidade.<\/p>\n

Pero o momento m\u00e1is importante do acto chegou preto do final, cando dez persoas usuarias de entidades Down en Galicia alzaron a s\u00faa voz e reclamaron os seus dereitos en nome de todo o colectivo. A trav\u00e9s do\u00a0Dec\u00e1logo pola Inclusi\u00f3n<\/strong><\/a>, as persoas coa s\u00edndrome de Down e outras discapacidades intelectuais deixaron ben claro que queren unha atenci\u00f3n temper\u00e1 p\u00fablica e de calidade, unha educaci\u00f3n e un emprego inclusivo, un envellecemento activo cos recursos dos que dispo\u00f1en na s\u00faa comunidade e unha atenci\u00f3n sanitaria igualitaria e respectada.<\/p>\n

Pero, sobre todo, demandaron unha sociedade que respecte as s\u00faas decisi\u00f3ns e que lles preste os apoios que precisan para levar a vida que elas mesmas elixan.\u00a0\u201cQue nos deixen ser persoas aut\u00f3nomas e independentes, experimentar, querer, divertirnos e equivocarnos\u201d.<\/strong><\/p>\n