{"id":6520,"date":"2022-10-07T12:37:02","date_gmt":"2022-10-07T12:37:02","guid":{"rendered":"https:\/\/downlugo.org\/?p=6520"},"modified":"2022-10-17T11:03:09","modified_gmt":"2022-10-17T11:03:09","slug":"down-galicia-conmemora-o-20-aniversario-da-metodoloxia-de-emprego-con-apoio-cunha-campana-de-sensibilizacion","status":"publish","type":"post","link":"https:\/\/downlugo.org\/gl\/down-galicia-conmemora-o-20-aniversario-da-metodoloxia-de-emprego-con-apoio-cunha-campana-de-sensibilizacion\/","title":{"rendered":"Down Galicia conmemora o 20 aniversario da metodolox\u00eda de Emprego con Apoio cunha campa\u00f1a de sensibilizaci\u00f3n"},"content":{"rendered":"

Con motivo da Xornada Mundial polo Traballo Digno, que se conmemora hoxe en todo o mundo,\u00a0a Federaci\u00f3n Down Galicia acaba de lanzar unha campa\u00f1a de sensibilizaci\u00f3n sobre a metodolox\u00eda de Emprego con Apoio<\/strong>.<\/p>\n

Hai xa 20 anos que o Movemento Down en Galicia traballa para que as persoas coa s\u00edndrome de Down e outras discapacidades intelectuais conten con oportunidades laborais en empresas ordinarias e administraci\u00f3ns, fuxindo do emprego segregado e apostando pola verdadeira inclusi\u00f3n laboral.<\/p>\n

A trav\u00e9s dun\u00a0adianto promocional<\/a>, unha\u00a0peza audiovisual<\/a>\u00a0e unha\u00a0p\u00e1xina web<\/a>\u00a0creada para a ocasi\u00f3n,\u00a0a Federaci\u00f3n busca sensibilizar \u00e1 sociedade e, sobre todo, ao empresariado galego e \u00e1s instituci\u00f3ns p\u00fablicas, sobre a importancia do emprego inclusivo<\/strong>\u00a0e as vantaxes dunha metodolox\u00eda \u00fanica como \u00e9 o Emprego con Apoio.<\/p>\n

Esta campa\u00f1a, que a Federaci\u00f3n manter\u00e1 activa durante todo o mes de outubro, desenvolverase tam\u00e9n nas redes sociais da entidade, onde Down Galicia ofrecer\u00e1 informaci\u00f3n m\u00e1is detallada sobre o seu programa de emprego e convidar\u00e1 a desterrar os prexu\u00edzos existentes sobre o colectivo.<\/p>\n

 <\/p>\n

A historia de Alba, unha entre as moitas experiencias de \u00e9xito<\/strong><\/p>\n

Alba Abu\u00edn<\/strong>, unha moza de 34 anos membro de Down Lugo,\u00a0\u00e9 a protagonista da campa\u00f1a<\/strong>\u00a0creada pola Federaci\u00f3n Down Galicia. A s\u00faa experiencia de \u00e9xito representa tam\u00e9n a de centos de persoas coa s\u00edndrome de Down e outras discapacidades intelectuais vencelladas \u00e1s entidades Down de Galicia.<\/p>\n

O v\u00eddeo, peza central desta campa\u00f1a, am\u00f3sanos a experiencia de Abu\u00edn como repo\u00f1edora en Decathlon Lugo e exp\u00f3n as virtudes da metodolox\u00eda de Emprego con Apoio a trav\u00e9s das declaraci\u00f3ns de distintas persoas involucradas no proceso de inserci\u00f3n, as\u00ed como da propia Alba.<\/p>\n

Na s\u00faa intervenci\u00f3n,\u00a0Sarai Lodeiro<\/strong>, profesional da \u00e1rea de emprego da asociaci\u00f3n Down Lugo, remarca que a vantaxe principal da metodolox\u00eda \u00e9 que \u201cas persoas coa s\u00edndrome de Down ou discapacidade intelectual que empezan a traballar nunha empresa ordinaria sempre van acompa\u00f1adas dun t\u00e9cnico dunha entidade Down, que \u00e9 a persoa que vai acompa\u00f1alas durante todo o seu proceso de inserci\u00f3n\u201d e \u201clles vai ensinar, da mellor forma posible, como te\u00f1en que facer as s\u00faas tarefas\u201d.<\/p>\n

A responsable de Decathlon Lugo,\u00a0Lara Teijeiro<\/strong>, destaca que \u201ca contrataci\u00f3n de Alba foi unha contrataci\u00f3n normal\u201d e que \u201crecomendar\u00eda o Emprego con Apoio a t\u00f3dalas empresas porque \u00e9 algo que non lles custa nada a nivel de tempo para que a introduci\u00f3n no posto de traballo sexa \u00f3ptima e f\u00e1cil\u201d.<\/p>\n

Pola s\u00faa banda,\u00a0Diego N\u00fa\u00f1ez<\/strong>, empregado de Decathlon Lugo, salienta a mellora no clima laboral desde a chegada de Alba, xa que \u201cdesde o principio foi unha m\u00e1is con n\u00f3s e no seu equipo \u00e9 unha parte moi importante a nivel an\u00edmico\u201d.<\/p>\n

A protagonista, pola s\u00faa parte, comenta que se sinte \u201cunha m\u00e1is da tenda\u201d e que est\u00e1 \u201cmoi a gusto\u201d cos seus compa\u00f1eiros e compa\u00f1eiras. Ademais, destaca que lle gusta \u201ctraballar en equipo\u201d, ter o seu \u201cpropio di\u00f1eiro e ser independente\u201d.<\/p>\n