{"id":8447,"date":"2026-03-09T11:24:22","date_gmt":"2026-03-09T11:24:22","guid":{"rendered":"https:\/\/downlugo.org\/?p=8447"},"modified":"2026-03-10T08:10:57","modified_gmt":"2026-03-10T08:10:57","slug":"down-espana-reclama-leis-mais-ambiciosas-para-fomentar-unha-sociedade-inclusiva-que-proporcione-unha-vida-digna-as-persoas-coa-sindrome-de-down","status":"publish","type":"post","link":"https:\/\/downlugo.org\/gl\/down-espana-reclama-leis-mais-ambiciosas-para-fomentar-unha-sociedade-inclusiva-que-proporcione-unha-vida-digna-as-persoas-coa-sindrome-de-down\/","title":{"rendered":"Down Espa\u00f1a reclama leis m\u00e1is ambiciosas para fomentar unha sociedade inclusiva que proporcione unha vida digna \u00e1s persoas coa s\u00edndrome de Down"},"content":{"rendered":"

A modificaci\u00f3n da\u00a0Ley General de Derechos de las Personas con Discapacidad<\/strong>\u00a0(1\/2013) e da\u00a0Ley de Promoci\u00f3n de la Autonom\u00eda Personal y Atenci\u00f3n a las personas en situaci\u00f3n de dependencia<\/strong>\u00a0(39\/2006) at\u00f3pase en proceso de aprobaci\u00f3n no Parlamento e, a pesar das cr\u00edticas do movemento asociativo, o Goberno prev\u00e9 a s\u00faa aprobaci\u00f3n antes do ver\u00e1n.<\/p>\n

Esta reforma, en palabras de\u00a0Agust\u00edn Mat\u00eda, director de Down Espa\u00f1a<\/strong>, \u201cpretende ampliar servizos e modernizar o sistema de apoios, pero non garante dereitos clave para as persoas do colectivo\u00a0pola falta de financiamento real, a posible perda de servizos de apoio ou a fenda territorial entre comunidades aut\u00f3nomas, xa que non establece un modelo estatal s\u00f3lido<\/strong>\u201d.<\/p>\n

Para Mat\u00eda,\u00a0\u201ctr\u00e1tase de leis que a\u00ednda son moi deficientes porque seguen dando prioridade a pol\u00edticas asistenciais fronte a pol\u00edticas de inclusi\u00f3n e, sen unha transformaci\u00f3n m\u00e1is profunda, as persoas con discapacidade intelectual non ter\u00e1n, por exemplo, garantido o seu dereito a un traballo digno\u201d.<\/strong><\/p>\n

Neste sentido e con motivo do\u00a0D\u00eda Mundial da S\u00edndrome de Down \u201421 de marzo\u2014<\/strong>,\u00a0Down Espa\u00f1a reclama unha revisi\u00f3n lexislativa m\u00e1is ambiciosa, que fomente unha sociedade inclusiva e garanta o dereito ao emprego, \u00e1 educaci\u00f3n de calidade e a unha vida digna para as persoas do colectivo.<\/strong><\/p>\n

En Espa\u00f1a,\u00a0s\u00f3 o 22% das persoas coa s\u00edndrome de Down te\u00f1en emprego<\/strong>\u00a0e, delas, apenas o 10% traballa no mercado laboral ordinario.\u00a0Na opini\u00f3n de Mat\u00eda<\/strong>, isto d\u00e9bese a\u00a0\u201cpol\u00edticas de emprego mal orientadas e a recursos dese\u00f1ados para a protecci\u00f3n e non para a inclusi\u00f3n\u201d.<\/strong><\/p>\n

No \u00e1mbito educativo,\u00a0m\u00e1is do 80% do alumnado do colectivo est\u00e1 escolarizado en centros ordinarios, pero segue enfront\u00e1ndose a unha falta de inclusi\u00f3n real nas aulas<\/strong>\u00a0que lles impide recibir un ensino axeitado que conte cos apoios e recursos necesarios.<\/p>\n

\u00c9 por iso que, con motivo do\u00a0D\u00eda Mundial da S\u00edndrome de Down<\/strong>, Down Espa\u00f1a reclama que as persoas do colectivo poidan ter a\u00a0oportunidade de acceder a un traballo digno, recibir unha educaci\u00f3n de calidade, que sexan tratadas con xustiza e que se fomente que poidan optar a unha vida o m\u00e1is aut\u00f3noma posible sen titor\u00edas e coa oportunidade de vivir e de equivocarse.<\/strong><\/p>\n

\u201cUnha sociedade inclusiva respecta e asume as diferenzas como parte da diversidade humana, trata a todas as persoas por igual, cambia o seu funcionamento e dedica di\u00f1eiro e tempo para que isto sexa posible<\/strong>. Unha sociedade inclusiva non infantiliza \u00e1s persoas con discapacidade; resp\u00e9ctaas tal e como son, desde a infancia ata a idade adulta.\u00a0Crear unha sociedade inclusiva \u00e9 unha cuesti\u00f3n de xustiza, de crer en todo ser humano<\/strong>\u201d, afirma Mat\u00eda.<\/p>\n

#NoSoyYoEresT\u00fa<\/strong><\/p>\n

Co obxectivo de interpelar \u00e1 sociedade e \u00e1s Administraci\u00f3ns P\u00fablicas e reivindicar respecto, xustiza e inclusi\u00f3n para as persoas do colectivo,\u00a0Down Espa\u00f1a lanza a campa\u00f1a<\/strong>\u00a0#NoSoyYoEresT\u00fa<\/strong>.<\/p>\n

Unha campa\u00f1a que denuncia os prexu\u00edzos que a sociedade ten cara \u00e1s persoas coa s\u00edndrome de Down e que apela a un cambio de mirada que permita vencelos para ver que, detr\u00e1s das persoas con esta discapacidade intelectual, tam\u00e9n hai\u00a0unha persoa traballadora eficaz, un estudante que se esforza en aprender, un paciente preocupado pola s\u00faa sa\u00fade ou unha persoa que necesita o seu espazo de intimidade e afectividade\u2026<\/strong>\u00a0exactamente igual que calquera outra persoa.<\/p>\n

#NoSoyYoEresT\u00fa<\/strong>\u00a0xira arredor de catro conceptos: \u201cdificultade\u201d, \u201cimpedimento\u201d, \u201climitaci\u00f3n\u201d e \u201cproblema\u201d. Catro conceptos que pretenden mostrar \u201cas limitaci\u00f3ns, impedimentos, dificultades e problemas\u201d\u00a0que a sociedade imp\u00f3n \u00e1s persoas coa s\u00edndrome de Down e que constr\u00faen barreiras que impiden o desenvolvemento \u00f3ptimo das s\u00faas capacidades e non facilitan a s\u00faa verdadeira inclusi\u00f3n<\/strong>.<\/p>\n

A campa\u00f1a, creada pola axencia\u00a0BBDO Contrapunto<\/strong>\u00a0e producida por\u00a0CONTRARIO<\/strong>, interpela a pais e nais, a empresas e compa\u00f1eiros e compa\u00f1eiras de traballo, ao profesorado e \u00e1 opini\u00f3n p\u00fablica en xeral para\u00a0facelos reflexionar sobre a necesidade de respectar o dereito das persoas coa s\u00edndrome de Down a decidir sobre a s\u00faa propia vida, vivir a s\u00faa intimidade e participar en igualdade de condici\u00f3ns no \u00e1mbito profesional e escolar<\/strong>.<\/p>\n

Con\u00a0#NoSoyYoEresT\u00fa<\/strong>, Down Espa\u00f1a quere reivindicar o dereito das persoas coa s\u00edndrome de Down a ter un traballo digno, unha educaci\u00f3n de calidade en contornas inclusivas e a vivir de maneira aut\u00f3noma, sen a carga da infantilizaci\u00f3n ou da sobreprotecci\u00f3n.<\/p>\n

A campa\u00f1a componse de catro spots, protagonizados por\u00a0Sara, Carlos, Ana e Mart\u00edn<\/strong>, que amosan situaci\u00f3ns coti\u00e1s relacionadas co\u00a0emprego, a educaci\u00f3n, a infantilizaci\u00f3n e a vida independente<\/strong>\u00a0e que denuncian que\u00a0\u201cter s\u00edndrome de Down non \u00e9 un problema, o problema telo ti se pensas o contrario\u201d<\/strong>.<\/p>\n

En palabras de Agust\u00edn Mat\u00eda,\u00a0\u201cse entendemos e vemos a discapacidade s\u00f3 como un problema, non imos avanzar como sociedade. Se nos centramos na discapacidade e non na persoa, non vemos o ser humano que hai detr\u00e1s. A discapacidade non define totalmente a unha persoa nin a s\u00faa vida. O que facemos coas nosas vidas, o que constru\u00edmos, \u00e9 o que verdadeiramente nos determina\u201d<\/strong>.<\/p>\n

\u201cNo caso da s\u00edndrome de Down\u00a0non pedimos que se esqueza que son persoas que necesitan apoios, recursos e acompa\u00f1amento, sen\u00f3n un cambio de mirada e de expectativas<\/strong>\u00a0que implique a toda a sociedade e aos gobernos.\u00a0A autonom\u00eda non depende s\u00f3 da vontade individual, sen\u00f3n do contorno, de pol\u00edticas de emprego con apoio, dun sistema educativo que ofreza unha aprendizaxe real e axeitada \u00e1s necesidades de todo o alumnado e de estruturas que deixen de separar<\/strong>\u201d, concl\u00fae Mat\u00eda.<\/p>\n

#NoSoyYoEresT\u00fa nos medios e nas redes sociais<\/strong><\/p>\n

Un ano m\u00e1is, Down Espa\u00f1a pide \u00e1 opini\u00f3n p\u00fablica que se sume \u00e1 campa\u00f1a polo\u00a0D\u00eda Mundial da S\u00edndrome de Down<\/strong>, esixa e participe na construci\u00f3n dunha sociedade verdadeiramente inclusiva que respecte e apoie \u00e1s persoas do colectivo.<\/p>\n

A partir do\u00a09 de marzo<\/strong>\u00a0a campa\u00f1a emitirase nas televisi\u00f3ns e radios nacionais, auton\u00f3micas e locais e poder\u00e1 verse en numerosos soportes grazas \u00e1 colaboraci\u00f3n de axencias de publicidade exterior.<\/p>\n

V\u00eddeos #NoSoyYoEresT\u00fa<\/u><\/strong><\/p>\n