Marcos, participante do programa de Emprego con Apoio de Down Lugo, conseguiu neste mes de xuño un contrato indefinido como persoal base en MediaMarkt, un importante paso na súa traxectoria laboral. Esta incorporación foi posible grazas ao acompañamento realizado dende o programa de Emprego con Apoio de Down Lugo, así como ao convenio de colaboración que manteñen Down España e MediaMarkt, unha alianza que promove a xeración de oportunidades laborais para persoas con síndrome de Down en contornas laborais inclusivas. Marcos conta co apoio e seguimento do preparador laboral da entidade, que lle acompañou no desenvolvemento de competencias profesionais e persoais...