Dende xaneiro, Down Lugo está desenvolvendo unha enriquecedora iniciativa na Facultade de Enfermería da USC – Campus de Lugo. Trátase duns obradoiros conversacionais sobre vida independente.
Este proxecto nace como resultado de experiencias anteriores coa Universidade e se consolida grazas á colaboración entre os grados de Enfermería e Xestión Cultural do Campus de Lugo, o Servizo de Participación e Inclusión Universitaria e a nosa Asociación. O obxectivo é fomentar a autonomía das persoas con síndrome de Down e outras discapacidades intelectuais a través do diálogo e a interacción cos estudantes universitarios.
Cada semana, cinco rapaces e rapazas de Down Lugo acoden á Facultade de Enfermería para compartir experiencias e reflexionar xunto a oito estudantes universitarios/as sobre un tema que lles une: a vida independente. A través destas conversas, xéranse espazos de aprendizaxe mutua, intercambio de ideas e crecemento persoal.
Ademais, a principios de febreiro, as/os universitarias/os participantes visitaron a nosa Asociación para coñecer de primeira man as nosas instalacións e as actividades que realizamos.
Esta experiencia non só está favorecendo a inclusión, senón que tamén está propiciando novas relacións e oportunidades para seguir avanzando xuntos cara unha sociedade máis aberta e diversa.
Os obradoiros continuarán ata finais de marzo, demostrando que as persoas con síndrome de Down e outras discapacidades intelectuais poden e deben formar parte activa de distintos espazos dentro da comunidade.
