A Rede TIL (Rede de Técnicas de Inserción Laboral de Lugo), da que forma parte a nosa entidade, vai conmemorar o Día Mundial da Xustiza Social o vindeiro 19 de febreiro cunha xornada en liña titulada Xustiza Social e Emprego: Emprego e Economía mergullada en tempos de Covid.
Esta xornada poderase seguir en liña en horario de 10 a 12:30 horas a través do seguinte enlace http://ir.gl/xustizasocialredetil (non é precisa inscrición previa).
A apertura da xornada será a cargo de Montse Valcarcel, Vicerreitora de Coordinación do Campus de Lugo da Universidade de Santiago de Compostela. Posteriormente, da man de diferentes poñentes, describirase o novo panorama socioeconómico que está a deixar a Covid na nosa sociedade.
Agardámosvos!
