Xa está aquí unha nova edición do esperado Encontro Nacional de Familias de Down España, que neste 2024 organiza en coordinación coa asociación Down Badajoz.
Esta nova edición terá lugar do 5 ao 8 de decembro na cidade estremeña de Badaxoz e, como cada ano, será un espazo para compartir experiencias, aprendizaxes cos mellores expertos e expertas en síndrome de Down e para desfrutar en familia dun fantástico programa de actividades de ocio.
O prazo de inscricións estará aberto desde hoxe ás 10:00h ata o vindeiro 15 de xullo, ou ata completar aforo.
Os obxectivos deste encontro nacional son:
- Apoiar e formar ás familias para facer posible o fomento da autonomía e a vida independente dos seus fillos e fillas coa síndrome de Down
- Potenciar o debate e o intercambio de experiencias entre familias
- Desfrutar xunto a outras familias para aumentar a cohesión do noso colectivo
- Dar protagonismo ás persoas coa síndrome de Down e ás súas familias
Este ano, a cidade de Badaxoz prepárase para acoller a máis de 500 persoas procedentes de toda España. Alí, tanto as familias como as persoas coa síndrome de Down, desfrutarán do Encontro desde o xoves 5 de decembro co acto de inauguración no Palacio de Congresos.
O prezo do Encontro por cada membro de familia pertencente a unha entidade federada é de 200 euros e de 350 euros para os membros de familias non federadas a Down España.
Para asistir a este Encontro Nacional de Familias, que se celebra grazas á colaboración da Fundación ONCE e de INECO, é preciso inscribirse na seguinte ligazón, onde tamén se pode consultar o programa completo: www.eventos.sindromedown.net
Vídeo con instrucións para realizar a inscrición:
