O pasado luns 7 de xuño os/as compañeiros/as da área de Educación da Asociación tiveron o pracer de visitar ás nenas e nenos do CEIP Aquilino Iglesias Alvariño de Abadín.
Durante a xornada o alumnado de Educación Infantil e 1º e 2º de Educación Primaria asistiu a diferentes actividades de sensibilización sobre a síndrome de Down. En cada aula puideron participar nas historias do elefante “Elmer” ou “Mi hermano es el mejor hermano del mundo mundial”, demostrando interese e coñecemento sobre a diversidade. Deste xeito, foron protagonistas dun cómic, visualizaron e manexaron un teatro de sombras e crearon o seu propio Elmer, quedando cun recordo do noso paso polo centro educativo.
Gustaríanos agradecer o interese do centro por coñecer máis en profundidade a síndrome de Down e animar a todos os centros educativos da provincia a seguir traballando en prol da inclusión con máis forza se cabe.
