Un ano máis persoas usuarias de Down Lugo, con síndrome de Down e outras discapacidades intelectuais, participaron nas probas de competencias clave celebradas o pasado 25 de xuño en Silleda, na súa 16ª edición.
Este ano presentáronse aos exames de competencias clave, de nivel 2, catro persoas: Eduardo, Javier, Paula e Sergio.
Para unha das persoas participantes nestas probas era a primeira vez que as preparaba e se presentaba. As tres restantes xa se presentaran en outras convocatorias, tendo superadas varias das catro competencias ás que se poden presentar.
Destacar que todas elas se esforzaron moito durante todo o curso na preparación das probas e se presentaron aos exames coa ilusión de conseguir superalos. Unhas saíron do exame convencidas de que ían aprobar e outras dubidaban de como o fixeran.
Finalmente aprobaron tres delas. Parabéns!
