Como non podía ser doutra forma continuamos realizando actividades en colaboración coa Asociación Sénior de Telefónica de Lugo (ASTELU). Ao longo de todo o ano 2022 realizaremos distintas actividades e a temática das mesmas estará dividida por trimestres.
Este primeiro trimestre está dedicado á creación de historias en lectura fácil a través da técnica dos dados. Con distintas categorías de dados e as diferentes imaxes que van aparecendo nos mesmos, durante varias sesións e divididos en pequenos grupos, empezamos a crear historias empregando toda a nosa creatividade e imaxinación.
Pola súa parte, as actividades do segundo trimestre estarán dedicadas ao Camiño de Santiago, e xa despois da vacacións de verán, volveremos coas pilas cargadas para poder ensaiar conxuntamente panxoliñas e cantalas en Nadal na Praza Maior.
Sempre é un pracer contar coas persoas voluntarias de ASTELU, grazas a todos/as eles/as!
