Logo do descanso estival, en Down Lugo retomamos a nosa actividade habitual.
A partires do 15 de setembro, as persoas usuarias iranse incorporando ás actividades lúdicas que se levarán a cabo durante todo o mes. Así, a través de obradoiros de foto, xincanas, actividades deportivas, paseos e visitas culturais comezarán a coller ritmo para un curso que promete ser moi intenso e movido.
Será xa, a partires do mes de outubro, cando comezaremos con todos os programas que forman o noso Servizo de Promoción da Autonomía Persoal, co obxectivo de seguir traballando as habilidades que lles permitan levar unha vida máis autónoma e independente.