Alberto ten 25 anos, é de Arxemil (Sarria) e acode á Asociación Down Lugo dende que era ben pequeniño.
Os que temos a sorte de coñecelo sabemos que cada día mostra a súa mellor versión. É un mozo alegre, simpático, afectuoso, traballador e, ademais, encántalle a troula.
Hoxe concédenos amablemente o seu tempo para realizar a seguinte entrevista:
Agora que está preto o verán…que soes facer cando tes vacacións?
En vacacións imos a praia. Levo bañador, sandalias… Na praia salto as olas.
A que praia che gusta ir?
Imos a Miño. Tamén imos coa Asociación á praia.
E durante todo o ano…que che gusta facer no teu tempo de lecer?
Cando estou cos tíos imos a Albeiros. Gústame ver os animais que temos (pitas, galos…)
Cando estou en Sarria cos meus pais gústame ir ao río (Vilasouto). Tamén me gusta ver a tele e o ordenador.
Vexo que che gustan os animais… tes algunha mascota?
Teño un can que se chama “Coco”. Tamén temos 3 ranchiños, coellos e polos…
Tamén un gato branco en Arxemil que se chama “Cleo”.
E tamén me falabas da tele…cales son os teus programas favoritos?
Gústame o Land Rober os xoves e tamén o Bamboleo con Piñeiro. O sábado vexo Luar con Gayoso.
Algo que te poña feliz…
Estou contento coa clase de música na asociación con Ana.
Logo…cal é a túa canción preferida?
“Los Gorilas”. Bailo con Carlota, Marcos…
Na presentación dixen que che gustaba a troula…algunha festa que destaques?
Gústanme “As hogueras” de San Xoán. Saltar o lume.
¡Que medo! Ti tes medo a algunha cousa?
Teño medo ao dentista. Teño que ir a Santiago…
Cando estás cos compañeiros, tes algunha actividade que che apeteza especialmente?
Xogar ao parchís. Gano eu (risas)
E tamén sei que cociñades…tes algunha especialidade na cociña?
Ensalada de pasta.
Comida favorita?
Filetes de polo con patacas fritas.
Bebida?
Coca-cola sin cafeína.
Eres presumido? Gústache ir guapo?
Ir guapo si (risas). Gústame o pantalón Adidas e ir ao peluquero Luís que me fai cóxegas.
E para rematar….tes algún desexo?
Quero que non haxa máis virus. Quero ir as hogueras de San Xoán, ir ao piso cos compañeiros, á piscina….
Moitas gracias Alberto.
De nada.
