Por fin despois de tanto tempo as persoas usuarias de Down Lugo puideron volver a desfrutar das excursións de tres días. Este ano estiveron divididos en dous grupos para coñecer os municipios de Portosín e Valdoviño.
Do 28 ao 30 de xuño un dos grupos puido coñecer Portosín. Alí aloxáronse nos bungalows do Cámping Punta Batuda, e percorreron a zona, desfrutaron das súas praias e tamén se acercaron a Ribeira.
Do 8 ao 10 de xullo, o outro grupo desprazouse ata Valdoviño onde se aloxou na casa Surf & Breakfast do Cámping Valdoviño. Alí puideron desfrutar da praia de A Frouxeira, coñecer o pobo e aproveitaron un dos días para visitar a cidade de Ferrol.
Despois deses tres días volveron con máis experiencias dentro das súas mochilas e xa agardan con moitas ganas a que chegue a seguinte excursión.
Estas actividades forman parte do proxecto “Decido eu” da nosa entidade e están enmarcadas no programa Iniciativa Xove da Xunta de Galicia. Están subvencionadas pola Consellería de Política Social e Xuventude a través da Dirección Xeral de Xuventude, Participación e Voluntariado.
