A vicepresidenta da Deputación de Lugo, Tareixa A. Ferreiro Tallón, o deputado de deportes de Lugo, Efrén Castro Caloto e o adestrador do CB Breogán, Veljko Mršić, visitaron a semana pasada a exposición “Trazando Solidariedade” no Museo Provincial de Lugo.
A exposición, organizada pola Rede Lucense de Voluntariado e a Rede Museística Provincial de Lugo, quere reivindicar as accións voluntarias como forma de participación activa da cidadanía e por en valor a labor que realizan as persoas voluntarias que colaboran coas entidades da rede.
A exposición foi inaugurada o pasado 2 de decembro con motivo do Día Internacional do Voluntariado e poderá visitarse ata finais do mes de xaneiro no Museo Provincial de Lugo.
