O pasado 18 de maio, Día Internacional dos Museos, a Rede Lucense de Voluntariado, da que Down Lugo forma parte, presentou un pequeno avance do documental que elaboramos coas persoas voluntarias das 15 entidades que formamos a Rede, titulado Sintonías: 15 anos da Rede Lucense de Voluntariado. A presentación realizouse no Museo Provincial de Lugo e contamos con Encarna Lago, xerente da Rede Museística Provincial de Lugo, Aurelia Balseiro, directora do Museo Provincial de Lugo e persoas voluntarias e profesionais das entidades da Rede.
Este documental formará parte da Exposición que a Rede Lucense de Voluntariado inaugurará no Museo Provincial de Lugo o 5 de decembro con motivo do Día Internacional do Voluntariado e na que celebrará o seu 15º aniversario.
