Este ano cúmprense 20 anos dende que se implantou nas entidades Down de Galicia a metodoloxía de Emprego con Apoio. A fin de celebrar este feito, dende Down Lugo programamos diferentes actos para darlle maior visibilidade.
O primeiro destes actos levouse a cabo o pasado 2 de maio na Facultade de Administración e Dirección de Empresas no Campus Terra da USC. Alí, o alumnado da materia Fundamentos da Xestión de Recursos Humanos puideron coñecer de primeira man a necesidade de contribuír entre todas as persoas a facer unha sociedade máis inclusiva, especialmente dende a súa perspectiva de futuros/as directivos/as de empresas e/ou xestores/as de persoal.
Durante a sesión, ademais de explicarse a parte teórica do programa por parte de Sarai Lodeiro y Francisco Varela, equipo de emprego da Asociación, 3 persoas usuarias do programa, Sabela Arias, Mª Isabel Casanova e Saúl Montoya contaron en primeira persoa as súas experiencias como traballadores/as e púidose coñecer a perspectiva das empresas colaboradoras, ao participar o responsable de RRHH de AmsLab, David Seijas; e una traballadora da empresa Mc´Donalds, Laura Otero.
Deixámosvos o enlace á nova publicada pola USC, pincha aquí.
