O próximo 2 de maio, o equipo do programa Emprego con Apoio (ECA) de Down Lugo presentará o programa ao alumnado da materia Fundamentos da Xestión de Recursos Humanos da Facultade de Administración e Dirección de Empresas da USC.
Ademais de explicar a parte teórica, 3 persoas usuarias do programa, Sabela Arias, Mª Isabel Casanova e Saúl Montoya contarán en primeira persoa as súas experiencias como traballadoras/es e contarase coa perspectiva das empresas colaboradoras, ao participar o director de Recursos Humanos da empresa AMSLab e unha traballadora da empresa McDonald´s.
