Dentro da Actividade Decisoria que se leva a cabo todos os martes en Down Lugo, o martes 11 de abril tivemos a oportunidade de poder visitar as instalacións do Hospital Veterinario HA.
Alí, Ángel, un dos veterinarios, mostrounos cada unha das diferentes salas e aparatos que hai nelas: o quirófano onde realizan as operacións, a sala de raios, a piscina de rehabilitación, a UCI onde se recuperan os animais que se encontran máis graves… Puidemos comprobar a gran similitude que hai cun hospital ao que podemos ir calquera de nós.
Os rapaces e rapazas da Asociación aproveitaron para preguntar dúbidas que tiñan sobre o coidado das súas mascotas e desfrutaron dalgunhas anécdotas que viviron no hospital con algúns animais.
Todas as persoas que participamos na visita quedamos moi contentas e quedamos con gañas de repetila.
Moitas grazas a todo o equipo do HA!
