Neste 2025 Down Lugo segue apostando polo Deseño Universal da Aprendizaxe (DUA) como enfoque clave para garantir que cada persoa poida avanzar nas súas aprendizaxes e alcanzar os seus obxectivos persoais.
No noso programa de Formación para a Vida Adulta, deseñamos cada sesión baixo os principios do DUA para que todas as persoas participantes accedan aos contidos e participen de maneira activa e significativa. Cremos firmemente que cada persoa ten moito que aportar, e o noso obxectivo é fomentar unha contorna de aprendizaxe na que cada un/ha poida desenvolver o seu potencial.
Este ano queremos seguir avanzando na eliminación de barreiras para garantir unha aprendizaxe verdadeiramente inclusiva. En Down Lugo cremos que a educación é un dereito fundamental e que debe estar ao alcance de todas as persoas.
Invitamos a todas as persoas implicadas no ámbito educativo e formativo a sumarse a esta visión inclusiva, facendo da aprendizaxe inclusiva unha realidade para todas as persoas.
